«Абсалютна ўсе перадвыбарныя штабы і цяперашнія палітычныя сілы, ініцыятывы ад Голасу і Сумленных людзей да Байпола і самвыдату – уся інфраструктура дэмакратычных сілаў стаіць на плячах валанцёраў. Валанцёры вядуць медыя-каналы, пішуць сайты, распаўсюджваюць улёткі, носяць перадачы палітвязням. Майму мужу Сяргею Ціханоўскаму перадачы насілі менавіта валанцёры Краіны для жыцця. Менавіта валанцёры перакладалі маю прамову ў Еўрапарламенце на беларускую і рускую мовы – каб яна была даступная для ўсіх беларусаў. Менавіта валанцёры праекта Уклетачку дапамагаюць нашым лістам дабірацца да палітвязняў.
На гэтым фота – валанцёры Офіса Аляксандр Дабрыянік і Вольга Агеева. Яны дапамагалі нам месяцамі, Саша за сваю актыўную пазіцыю патрапіў у турму, а Воля падтрымлівала яго падчас зняволення. На жаль, я не магу апублікаваць фотаздымкі і асабістыя падзякі ўсім валанцёрам. Але я хачу сказаць дзякуй вам, дарагія нашыя сумленныя беларусы. Вашая праца бачная, ваш унёсак неацэнны, вашая смеласць дае мне і ўсім нам моцную апору.
Калі вы прачыталі гэты пост і вырашылі, што хочаце дапамагаць дэмакратычным сілам – ёсць некалькі шляхоў:
- Запаўняйце анкету, каб стаць валанцёрам Офіса – https://tsikhanouskaya.org/be/initiatives/volunteers/
- Выберыце ініцыятыву на платформе салідарнасці і станьце яе часткай – https://belarusplatform.org/
- Сачыце за вакансіямі платформы ў спецыяльным тэлеграм-канале https://t.me/belplatform».
Поўны тэкст паста Святланы Ціханоўскай – на яе старонцы ў Інстаграм.
