Канферэнцыя беларусаў свету. 22-23 красавіка ў Вільні адбудзецца Канферэнцыя беларусаў свету ІІ, ініцыяваная Офісам Святланы Ціханоўскай. Больш інфармацыі на сайце – https://bydiaspora.net/. Колькасць удзельнікаў і ўдзельніцаў абмежаваная, таму прапануем дасылаць вашыя заяўкі ўжо цяпер: https://forms.gle/WCL9zo4Eo63NhejY8.
Саміт за дэмакратыю. Разам з Наталляй Пінчук, жонкай Алеся Бяляцкага, Святлана Ціханоўская выступіла на Саміце за дэмакратыю, арганізаваным прэзідэнтам ЗША Джо Байдэнам. Пазней Джо Байдэн у сваім выступе згадаў беларусаў.
Візіт у ЗША. Святлана Ціханоўская завяршыла візіт у ЗША і запісала відэа, у якім распавяла пра тое, як прайшоў візіт у Вашынгтон і якія вынікі. У апошнія дні візіту Святлана Ціханоўская сустрэлася з дарадцам па нацыянальнай бяспецы прэзідэнта ЗША Джэйкам Саліванам і з дыпламатамі 35 краінаў.
Слуханні ў Радзе Бяспекі ААН. Святлана Ціханоўская накіравала ліст у Раду Бяспекі ААН «Пра размяшчэнне расійскіх ядзерных сілаў на тэрыторыі Беларусі». Ліст быў перададзены ўсім удзельнікам паседжання 31 сакавіка і далучаны да пратаколу.
Сустрэча з міністаркай замежных справаў Францыі. Святлана Ціханоўская прыняла ў сваім офісе міністарку замежных справаў Францыі Катрын Калону і прапанавала вынесці пытанне пра пагрозу незалежнасці Беларусі на разгляд Рады Бяспекі ААН і Генасамблеі ААН.
Супрацоўніцтва з ПАРЕ. Святлана Ціханоўская сустрэлася з дэпутатам ПАРЕ, які рыхтуе даклад на тэму «Вырашэнне канкрэтных праблемаў, з якімі сутыкаюцца беларусы ў выгнанні».
Салідарнасць з палітвязнямі. 30 сакавіка Святлана Ціханоўская сустрэлася з жонкай Нобелеўскага лаўрэата Алеся Бяляцкага, які зараз знаходзіцца за кратамі. Таксама Святлана Ціханоўская пракаментавала затрыманне сына дарадцы па міжпарламенцкай супрацы і канстытуцыйнай рэформе Анатоля Лябедзькі.
Размовы з беларусамі. У пятніцу, 31 сакавіка, Святлана Ціханоўская правяла штотыднёвыя асабістыя размовы з беларусамі. Прачытаць пра тое, што такое асабістыя размовы і як яны праходзяць можна тут.
Праязны дакумент у Польшчы. З чэрвеня 2023 года беларусы, якія знаходзяцца ў Польшчы, змогуць атрымаць праязны дакумент бясплатна. Дарадца Святланы Ціханоўскай па прававых пытаннях Крысціна Рыхтэр пракаментавала змены, унесеныя ў заканадаўства Польшчы аб выдачы праязнога дакумента гэтай краіны.
Адукацыйныя магчымасці для беларусаў. Каманда Офіса па адукацыі і навуцы, якую ўзначальвае Таццяна Шчытцова, штомесяц выпускае дайджэст «Асвета», дзе сабраныя самыя актуальныя навіны і міжнародныя магчымасці для беларускіх студэнтаў і даследчыкаў. Новы выпуск дайджэста па спасылцы.
Таксама Святлана Ціханоўская пракаментавала візіты прапагандыстаў з лекцыямі ў беларускія ўніверсітэты: «Прапагандысты ва ўніверсітэтах – трывожны паказчык таго, куды рухаецца нашая краіна».
Новая Беларусь. Святлана Ціханоўская распавяла беларусам пра дадатак Новая Беларусь і пра тое, што там можна знайсці. Усталяваць можна тут: Android, iOS.
«Сны аб Беларусі». Па запрашэнні ініцыятывы Разам Святлана Ціханоўская наведала пастаноўку «Сны аб Беларусі». Спектакль «Сны аб Беларусі» ўжо ў адкрытым доступе, вы можаце паглядзець яго па спасылцы: https://youtu.be/0FT5do87hUw
Экспертная дыскусія. 30 сакавіка прайшоў вебінар, арганізаваны даследчым цэнтрам Офіса Святланы Ціханоўскай і Оксфардскай абсерваторыяй па Беларусі, на тэму «Рэпрэсіі і культурны супраціў: як дапамагаць беларусам змагацца з культурным прыгнётам?». Удзел у вебінары бралі Аліна Коўшык, Таццяна Астроўская, Юлія Цімафеева, Сяргей Будкін.
Медыі. Святлана Ціханоўская дала інтэрв’ю Fox News (ЗША, Міжнароднае), CNN (Міжнароднае), The Christian Science Monitor (ЗША), Belfer Center (ЗША).
