• Навіны
  • Офіс
  • Новая Беларусь
  • Партнёры
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Кантакты
  • Святлана Ціханоўская разам з прадстаўнікамі АБСЕ, лідарамі Еўрасаюза і сенатарамі ЗША абмяркуюць, як вывесці Беларусь з крызісу

    19 сакавіка, 2021

    Прэм’ерка Літвы Інгрыда Шыманіте, Вярхоўны прадстаўнік ЕС Жузэп Барэль, кангрэсмен Крыс Сміт і іншыя возьмуць удзел у форуме Кастуся Каліноўскага, які ладзіць Сейм Літоўскай Рэспублікі 22 сакавіка ў партнёрстве з Офісам Святланы Ціханоўскай.

    Святлана Ціханоўская звернецца да сусветных дэмакратычных лідараў і экспертаў з заклікам дапамагчы ў правядзенні перамоў для мірнага вырашэння крызісу, каб забяспечаць перадачу ўлады і правядзенне новых свабодных і сумленных выбараў. Удзельнікі форуму абмяркуюць дапамогу грамадзянскай супольнасці і стварэнне адмысловага механізму ААН па парушэннях правоў чалавека ў Беларусі.

    “Ужо паўмільёна беларусаў прагаласавала за мірны выхад з крызісу праз перамовы. Мы разумеем, што арганізаваць перамовы магчыма толькі пры міжнародным пасярэдніцтве. На Форуме Каліноўскага, разам з нашымі замежнымі партнёрамі, мы абмяркуем, як вярнуць людзям права выбару і якім чынам арганізаваць працэс перамоваў, каб вывесці нашу Беларусь з крызісу”, – заявіла Ціханоўская.

    Акрамя Святланы Ціханоўскай у канферэнцыі прымуць удзел прэм'ер-міністарка Літвы Інгрыда Шыманіте, Вярхоўны прадстаўнік ЕС Жузэп Барэль, дарадца Ангелы Мэркель Маціас Лютэнберг, старшыня камітэту па замежных справах Еўрапейскага парламента Дэвід Макалістэр, амбасадарка ЗША ў Беларусі Джулі Фішэр, заснавальнік Праваабарончага цэнтра “Вясна” Алесь Бяляцкі, многія іншыя.

    Форум Каліноўскага ўпершыню адбыўся ў жніўні 2020 года і стаў пляцоўкай для дэмакратычнай падтрымкі беларусаў, выпрацоўкі агульнай стратэгіі дзеля вырашэння палітычнага і грамадзянскага крызісу ў Беларусі.

    Апошнія навіны