Беларуская лідарка ўзяла ўдзел Міжнародным Жаночым форуме ў Кішынёве, які сабраў больш за 170 удзельніц. Разам з ёй выступалі прэзідэнтка Малдовы Майя Санду і былая прэзідэнтка Літвы Даля Грыбаўскайце. У сваім выступе Ціханоўская адзначыла асаблівую ролю жанчын у палітыцы і распавяла гісторыі палітзняволеных беларусак, якіх рэжым утрымлівае ў жудасных умовах.
«Падчас вайны становіцца зразумела, што чым больш у палітыцы будзе жанчын, тым больш будзе спагады, чалавечнасці і мудрасці ў нашых рашэннях. За гэтыя тры гады я сустрэла шмат уплывовых жанчын, якія сваёй паўсядзённай працай руйнуюць любыя стэрэатыпы аб жанчынах у палітыцы. Якія на сваім прыкладзе паказваюць, што жаночае лідарства – гэта тое, што цяпер трэба свету», – адзначыла Святлана Ціханоўская.
