• Навіны
  • Офіс
  • Новая Беларусь
  • Партнёры
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Кантакты
  • Святлана Ціханоўская сустрэлася з федэральным прэзідэнтам Германіі Франкам-Вальтэрам Штайнмаерам

    11 лістапада, 2021

    Федэральны прэзідэнт Германіі Франк-Вальтэр Штайнмаер сёння цёпла сустрэў Святлану Ціханоўскую ў прэзідэнцкім палацы, іх сустрэча доўжылася даўжэй за запланаваны час. Штанмаер пагадзіўся з Ціханоўскай, што нельга перамяшчаць фокус і разглядаць міграцыйны крызіс асобна ад беларускага.

    Ціханоўская і Штайнмаер абмеркавалі сітуацыю з каранавірусам і пастаўкай еўрапейскіх вакцын у Беларусь – Германія гатова дапамагчы беларусам справіцца з пандэміяй. Таксама казалі пра тое, як зрабіць падтрымку грамадзянскай супольнасці больш эфектыўнай для беларусаў, магчымае запрашэнне Ціханоўскай на саміт G7, які ў наступным годзе пройдзе ў Германіі, і падтрымку беларусаў на канферэнцыі ў Вене.

    Прэзідэнт Германіі Франк-Вальтэр Штайнмаер пагадзіўся падтрымаць Дзень салідарнасці з палітвязнямі Беларусі 27 лістапада. Святлана Ціханоўская пакінула запіс у гасцявой кнізе прэзідэнта і падзякавала «за падтрымку і салідарнасць у такія гістарычныя часы для нашай краіны».

    Гэта не першая сустрэча беларускай лідаркі з нямецкім прэзідэнтам – Ціханоўская і Штайнмаер сустракаліся ў снежні мінулага года.

    Апошнія навіны