20-21 кастрычніка беларуская лідарка ўпершыню знаходзіцца з працоўным візітам у Малдове, па запрашэнні прэзідэнткі Майі Санду.
Сёння на сустрэчы лідаркі абмеркавалі сітуацыю ў Малдове і Беларусі, а таксама больш шчыльнае супрацоўніцтва на міжнароднай арэне. Святлана Ціханоўская распавяла аб рашэнні дэмакратычных сілаў дабівацца еўрапейскай перспектывы для Беларусі, і выказала прэзідэнтцы Малдовы словы падтрымкі на шляху да Еўропы.
«Я думаю, гэты візіт у Малдову адкрывае новую старонку для беларуска-малдоўскіх адносінаў. Нашыя народы прайшлі праз розныя выпрабаванні. Цяпер нас аб’ядноўваюць супольныя каштоўнасці і мэты. Я радая, што ў дэмакратычнай Беларусі ёсць такі саюзнік, як Малдова», – падкрэсліла Святлана Ціханоўская.
