Сёння кіраўніца Місіі дэмакратычных сілаў Беларусі ва Украіне Вольга Зазулінская, дарадца Святланы Ціханоўскай па парламенцкім супрацоўніцтве Анатоль Лябедзька і дарадца па пытаннях дыпламатыі Дзяніс Кучынскі ўшанавалі памяць Аляксея Лазарава і Пшэмыслава Расевіча-Кучынскага.
Аляксей Лазараў — беларускі добраахвотнік, які з 2022 года ваяваў за Украіну. Удзельнічаў у абароне Кіева, вызваленні Херсоншчыны і Мікалаеўшчыны, баях на ўсходзе Украіны. Загінуў у студзені 2026.
Пшэмыслаў Расевіч-Кучынскі — паляк беларускага паходжання, ваяр Палка Каліноўскага. Загінуў у жніўні 2024 года.
Абодва добраахвотнікі пахаваныя ў Львове.
Дзяніс Кучынскі:
«Вельмі цяжка стаяць сярод гэтых сцягоў і разумець, колькі тут страчаных жыццяў. І сярод іх — беларусы, якія пайшлі абараняць Украіну. Колькі людзей ужо ніколі не вернуцца дадому, не абдымуць сваіх родных, не ўбачаць сяброў.
Асобная наша мэта, абавязак і місія — распавесці свету пра беларускіх дабравольцаў. Бо менавіта яны з’яўляюццам тварам той Беларусі, якая гатовая ахвяраваць жыццем дзеля свабоды іншых, з надзеяй, што некалі гэтая свабода прыйдзе на іх Радзіму».
