У Парыжы, падчас вячэры ў Елісейскім палацы, Святлана Ціханоўская абмеркавала з міністрам замежных справаў Францыі прагрэс у вызваленні палітвязняў і тое, што Францыя, Еўрапейскі саюз і ЗША могуць зрабіць дзеля вызвалення людзей і спынення рэпрэсіяў.
Бакі таксама закранулі пытанне правакацыяў рэжыму з паветранымі шарамі на мяжы з Літвой і агульную сітуацыю на мяжы. Ціханоўская адзначыла, што, закрываючы транзіт грузаў, важна пакідаць межы адкрытымі для беларусаў, а таксама працягваць выдачу візаў, Францыя застаецца адной з краінаў-лідарак па колькасці выдадзеных шэнгенскіх візаў.
Асобна гаварылі пра падтрымку грамадзянскай супольнасці і незалежных медыя, а таксама пра адносіны з ЗША.
Ціханоўская падзякавала міністру за арганізацыю сустрэчы Міжпарламенцкага альянсу ў Парыжы 7 кастрычніка 2025 году.
