Беларускі Хельсінкскі Камітэт і Праваабарончы цэнтр «Вясна» ў межах кампаніі «Праваабаронцы за свабодныя выбары» апублікавалі папярэднюю справаздачу пра выбары-2025 у Беларусі, якая пацвярджае поўную адсутнасць умоваў для дэмакратычнага галасавання і фіксуе сістэмныя парушэнні.
Асноўныя высновы:
🔹 «Выбары» не адпавядалі міжнародным стандартам – зафіксаваная адсутнасць празрыстых працэдураў, падаўленне апазіцыі і запалохванне выбаршчыкаў.
🔹 Ніякіх незалежных назіральнікаў – улады не прадставілі своечасовае і неабмежаванае запрашэнне для АБСЕ, што парушае міжнародныя абавязацельствы Беларусі.
🔹 Дзяржаўныя рэсурсы мабілізаваныя на карысць Лукашэнкі – прымус да галасавання, збор подпісаў і масіраваная прапаганда.
🔹 Рэпрэсіі і запалохванне – ключавыя сапернікі мінулых выбараў застаюцца ў зняволенні або вымушанай эміграцыі, унутры краіны працягваюцца затрыманні і «прафілактычныя гутаркі».
Факты фальсіфікацыяў і ціску на выбаршчыкаў:
📌 41,81% датэрмінова прагаласаваўшых – рэкорд, які перавышае нават выбары-2020!
📌 Забарона на фота бюлетэняў – улады баяцца выкрыцця фальсіфікацыяў.
📌 Прымус і запалохванне – адкрытыя кабінкі, відэаназіранне, міліцыя на выбарчых участках.
📌 Маніпуляцыі з яўкай – заяўленыя 85,7% выбаршчыкаў проста немагчымыя.
Вынік: Лукашэнка працягвае ўтрымліваць уладу сілай, грамадзяне запалоханыя, а выбарчыя працэдуры – гэта толькі інструмент легітымацыі рэжыму.
Каментар Леаніда Марозава, дарадцы па прававых пытаннях Святланы Ціханоўскай:
«Фундаментальныя прынцыпы свабодных і справядлівых выбараў, замацаваныя ў Міжнародным пакце аб грамадзянскіх і палітычных правах, былі цалкам праігнараваныя рэжымам Лукашэнкі. Адсутнасць незалежнага назірання, прымус да галасавання і запалохванне апазіцыі – гэта не проста парушэнні міжнародных стандартаў, а грубая ўзурпацыя ўлады, якая супярэчыць самой сутнасці дэмакратычнай дзяржавы і прававога парадку. Мы дзякуем Беларускаму Хельсінкскаму Камітэту, Праваабарончаму цэнтру «Вясна» і ўсім, хто змагаецца за праўду і дэмакратыю ў Беларусі!»
