У Вашынгтоне завяршылася адна з найбольш важных палітычных падзеяў снежня. Святлана Ціханоўская разам з прадстаўнікамі дэмакратычных сілаў і амерыканскімі палітыкамі правялі тры дні перамоваў у межах Стратэгічнага дыялогу «Беларусь – ЗША».
Апошні дзень быў прысвечаны наступным тэмам:
✔️падтрымка беларускай культуры, мовы і ідэнтычнасці;
✔️адукацыйныя магчымасці для беларускай моладзі і бізнесоўцаў;
✔️дапамога беларусам за мяжой, у прыватнасці беларусам ЗША.
Па выніках Стратэгічнага дыялогу Святлана Ціханоўская выступіла ў Атлантычнай Радзе і распавяла пра стварэнне працоўных групаў, якія будуць займацца пытаннямі вызвалення палітвязняў, змаганнем з дэзынфармацыяй, падтрымкай грамадзянскай супольнасці.
Беларуская лідарка падкрэсліла, што Стратэгічны дыялог зробіць працу паміж дэмакратычнымі сіламі і ЗША больш скаардынаванай і эфектыўнай.
«Мы павінны паказаць беларусам пазітыўную альтэрнатыву «рускаму свету» і будучыню, якую яны змогуць атрымаць пасля краху рэжыму. Трэба паказаць беларусам, што падчас дэмакратычных зменаў у краіне яны будуць мець падтрымку з боку магутных дэмакратычных саюзнікаў, такіх як ЗША», – адзначыла лідарка падчас звароту.
