Падчас інтэрв’ю Радыё Свабодзе беларуская лідарка падзялілася тым, якія міжнародныя візіты і сустрэчы лічыць вельмі значнымі:
«Я б тут адзначала Маю Санду, умацаванне адносінаў з Малдовай. Упершыню краіна СНД запрасіла мяне і дэмакратычныя сілы з візітам. Таксама Стратэгічны Дыялог з ЗША – вельмі важная падзея, удзел у Давоскім форуме, запрашэнне на саміт Еўрапейскай палітычнай супольнасці разам з 30 прэм’ерамі і прэзідэнтамі, саміт Рады Еўропы, саміт НАТА».
Святлана Ціханоўская падкрэсліла, што кожная сустрэча – важная, калі яна практычная. Таксама яна распавяла, колькі дзён яна адпачыла ў сыходзячым годзе:
«Два тыдні адпачынку ўлетку з дзеткамі. Нармальных выходных на тыдні практычна не было. Калі яны здараюцца, то я праводжу іх дома з дзецьмі і займаюся дамашнімі клопатамі».
