У перадапошні дзень працы ў 2023 годзе Сейм Літвы прыняў папраўкі ў закон аб прававым статусе замежнікаў. Гэта датычыцца і беларусаў – літоўскі парламент падтрымаў прапанову МУС аб выдачы некаторым грамадзянам Беларусі відаў на жыхарства тэрмінам на тры гады. Від на жыхарства тэрмінам на тры гады будзе выдавацца беларусам, якія прыбылі ў Літву пры пасярэдніцтве Міністэрства замежных справаў. Раней гэтай катэгорыі беларусаў выдавалі від на жыхарства на адзін год.
Старшыня камітэта па замежных справах і кіраўнік групы «За дэмакратычную Беларусь» Жыгімантас Павілёніс падкрэсліў: «Гэта нашая інвестыцыя ў падтрымку тых, хто змагаецца супраць дыктатуры Лукашэнкі, хто выступае супраць расійскай агрэсіі ва Украіне».
