У Беларусі ўлады абвясцілі тры важныя крокі ў сферы адукацыі на 2024 год. Дарадца Святланы Ціханоўскай па пытаннях адукацыі і навукі Таццяна Шчытцова адзначыла:
«У сістэму адукацыі ўлада плануе ўнесці наступныя змены:
– з платнікамі і бюджэтнікамі ВНУ будуць заключаць аднолькавая дамовы з указаннем поўнага кошту навучання;
– непасрэдна павялічыцца сам кошт – рост азначаны ў межах ад 3 да 15 %;
– плануецца надаць увагу фармаванню ў грамадзян асабістай адказнасці за атрыманне добрай адукацыі.
Такім чынам, рэжым хоча збіраць з беларусаў больш грошай і зняць з ВНУ адказнасць за якасць адукацыі.
Ізаляванасць ад міжнароднай акадэмічнай супольнасці, звальненне мноства выкладчыкаў пасля 2020 года і адсутнасць аўтаноміі ў нашых ВНУ абмяжоўваюць шанцы беларусаў на атрыманне якаснай адукацыі ў краіне».
Прафесійнае развіццё і паспяховую навуковую кар’еру ў сённяшняй Беларусі можа гарантаваць самаадукацыя.
Кожны месяц каманда Офіса па пытаннях адукацыі публікуе дайджэст «Асветы», дзе сабраныя новыя і актуальныя праграмы міжнароднай падтрымкі для беларускіх студэнтаў і даследчыкаў. З яго дапамогай можна знайсці мноства магчымасцяў, каб атрымаць якасную адукацыю па розных напрамках.
