Мерапрыемства ў Вене прысвечанае 30-годдзю Сусветнай канферэнцыі па правах чалавека ў Вене, якая адбылася ў 1993 годзе.
У сваім выступе Ціханоўская адзначыла, што недастатковая рэакцыя свету на сфальсіфікаваныя беларускія выбары і наступствы ад гэтага, прывялі да эскалацыі рэпрэсіяў, захопу самалёта, штучнага міграцыйнага крызісу, і ў рэшце рэшт — удзелу лукашэнкаўскага рэжыму ў вайне супраць Украіны. Зараз рэжым спрабуе ўзмацніць рэпрэсіі, прыкрываючыся вайной.
І сітуацыя пагаршаецца, нягледзячы на ўсе існыя міжнародныя механізмы, якія аказаліся не эфектыўныя на практыцы. Па яе меркаванні, гэта паказвае праца Вольфганга Бенедэка, які рыхтаваў першую спаваздачу ў межах Маскоўскага механізма АБСЕ.
