Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- Святлана Ціханоўская пасля візіту ў Германію паведаміла, што ў найбліжэйшы час Германія прэзентуе пакет дапамогі беларускім студэнтам, медыям, праваабарончым і іншым ініцыятывам. Фінансаванне беларускай праграмы Deutsche Welle будзе працягвацца. Асобна будзе аказаная дапамога беларускім незалежным прафсаюзам, якія зараз трапілі пад рэпрэсіі. Таксама распрацоўваецца праграма рэабілітацыі для дзяцей палітвязняў, каб яны маглі наведаць Берлін. Акрамя таго, Германія аптымізуе працэс прыняцця беларускіх уцекачоў з Беларусі і Украіны.
- Большасць беларусаў спачуваюць Украіне, а не Расіі – пра гэта сведчыць даследаванне сацыёлагаў.
- Глабальны Універсітэт Працы The Global Labour University GLU выступіў у падтрымку незалежных прафсаюзаў Беларусі.
- Медыкі-добраахвотнікі з Першага добраахвотніцкага мабільнага шпіталя імя Пірагова атрымалі 21 камплект рыштунку ад беларусаў Чэхіі, Кірыла Якімовіча, Prague Support Team. Мабільны шпіталь ужо вырушыў на ўсход Украіны на 26 адзінках тэхнікі, з якіх 9 былі набытыя і дастаўленыя фондам BYSOL.
- Беларуская валанцёрка дапамагае ўкраінцам у Бучы. Яна расказала пра гэта, свой удзел у пратэстах у Беларусі і сетку валанцёраў у Бучы.
- Батальён Каліноўскага дзякуе валанцёрам за дапамогу: яны дапамагаюць беларускім добраахвотнікам ежай, лекамі, аптэчкамі, сродкамі гігіены і іншымі важнымі рэчамі.
- Беларусы Беластока правялі акцыю салідарнасці з палітвязнямі: яны напісалі больш за 40 лістоў і паштовак для беларусаў, якіх незаконна трымаюць у турме.
#сабатажпрацырэжыму
- Канал «Беларускі Гаюн», які адсочвае перамяшчэнне расійскіх войскаў па Беларусі, даў справаздачу за 27 красавіка: частка 1, частка 2.
- Таксама канал «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 27 красавіка: прапаганда пачынае сцвярджаць, што вайна ва Украіне вядзецца краінамі Захаду, каб аслабіць Расію для наступнага падзелу на некалькі асобных дзяржаў. Наратыў «увесь свет ваюе супраць Расіі» дазваляе апраўдаць як няўдачы на фронце, так і пагаршэнне эканамічнага становішча ад уведзеных санкцый. Таму прапагандысты сцвярджаюць, што Расія не пачала вайну супраць Украіны, а «нанесла прэвентыўны ўдар». Бо без яго «вайну пачалі б іншыя».
#інфармацыйныфронт
- Валер Кавалеўскі ў інтэрв'ю «Еўрарадыё» распавёў, чаму Офіс Ціханоўскай вырашыў адкрыць прадстаўніцтва ў Кіеве, каму будуць дапамагаць валанцёры гэтай структуры, ці магчымая сустрэча Ціханоўскай і Зяленскага ў бліжэйшы час.
- Беларусы працягваюць распаўсюджваць самвыдат. Калі вы хочаце далучыцца і выратаваць беларусаў ад тэлевізара – пішыце ў бот для валанцёраў @ByProsvetVolunteerBot.
Кожны можа стаць чальцом Антываеннага Руху цяпер. Вось яго Маніфест.
#BelarusWithUkraine
