Падчас працоўнага візіту ў Рыгу Святлана Ціханоўская сустрэлася з міністрам замежных спраў Латвіі Эдгарсам Рынкевічсам.
На гэтай сустрэчы Ціханоўская ўзняла пытанне візаў, відаў на жыхарства, а таксама легалізацыі беларусаў у Латвіі. Яна перадала ўсе просьбы беларускай дыяспары, а таксама словы падзякі. У Латвіі да беларусаў вельмі добрае стаўленне, яны могуць аддаваць дзяцей у садкі, школы, а таксама разлічваць на курсы латышскай мовы.
Эдгарс Рынкевічс адзначыў, што калі ў дачыненні да Расіі ёсць розныя меркаванні, падыходы і нават рознагалоссі, пра санкцыі і палітыку, то ў дачыненні да Беларусі, сярод краінаў ЕС, практычна заўсёды пераважае адзіная пазіцыя.
