Родныя палітвязняў штомесяц нясуць вялізныя выдаткі, каб хоць неяк дапамагчы сваім блізкім за кратамі. Гэта і аплата паслугаў адваката, і зборы перадачаў, і дапамога ў рэабілітацыі. У сем'яў часта не хапае сродкаў на ўсё гэта, бо заробкаў у краіне ледзь хапае на базавыя патрэбы. І таму ўсе яны маюць патрэбу ў нашай дапамозе.
Да нас у чат-бот @AskOffice_Bot часта паступаюць запыты: дзе знайсці кантакты фондаў, куды пойдуць грошы, як менавіта праекты дапамагаюць палітвязням і іх сем'ям. Каманда Офіса падрыхтавала карткі, дзе адказала на ўсе гэтыя пытанні.
Калі вы жывяце за мяжой, то можаце прыняць удзел 21 траўня ў акцыях да Дня салідарнасці з беларускімі палітвязнямі. Так вы можаце стаць галасамі палітвязняў і ўсіх беларусаў у краіне, і прыцягнуць увагу да іх праблемаў. Важна, каб наш голас быў пачуты і ў Беларусі, і ва ўсім свеце. Падрабязнасці на сайце https://standwithbelarus.org/by.
.jpeg)
