Перад Днём Волі Кіраўнік Кабінета Ціханоўскай Валер Кавалеўскі звярнуўся да супрацоўнікаў сілавых структур:
«Усюды, акрамя ўнутраных войскаў, адмененая даплата за крапавыя бярэты. «Будоўля» ўвесь час адкладаецца, а ўсе абяцанні «прыкрыць» вас трашчаць па швах, бо з МУС уся ўнутраная дакументацыя выліваецца як з дзіравага вядра. Вы праўда ўпэўненыя, што гэтыя людзі могуць вас абараніць? Вы думаеце, яны хочуць вас абараніць?
Я ведаю, што многія вашыя калегі ўжо гатовыя ўзяць на сябе адказнасць за свой асабісты склад і развярнуць людзей. Гэта палохае генералітэт, амаль цалкам замазаны ў крыві. Яны таксама разумеюць, што блізкі дзень, калі «Алмаз», САХР, Дэпартамент Аховы, ГУБАЗіК, «Альфа», АМАП, ССА, 3214 і іншыя – адмовяцца выконваць злачынны загад і выйдуць з падпарадкавання злачынца. Гэта будзе апошні дзень усялякага баязлівага генерала.
Вы можаце баяцца вырашыцца на вялікі крок. Пачніце з малога: не ўжывайце гвалт да людзей, не чапайце іх, паводзьце сябе мякчэй. Вашыя старанні ў разгоне ніхто не ацэніць, а тыя, хто падзякуюць за гэта, пазней будуць сцвярджаць, што такіх загадаў не давалі.
У новай Беларусі вы хочаце захавання сацыяльных гарантый, дадзеных вам гэтай дзяржавай – і мы са свайго боку гатовыя іх даць. Але на што гатовыя вы?»
Пошта, па якой можна звязацца з офісам Ціханоўскай – dialogue@tsikhanouskaya.org
Звязацца з калегамі: ByPol@protonmail.com або праз тэлеграм @osb_by_pol
Бяспечна і ананімна прагаласаваць за мірны выхад з крызісу шляхам перамоваў можна ў чат-ботах:
Прамая спасылка на галасаванне ў Telegram: https://t.me/golosby_bot
Прамая спасылка на галасаванне ў Viber: http://bit.ly/golos-vb
