Прадстаўнікі і прадстаўніцы дэмакратычных сілаў даюць інтэрв’ю незалежным беларускім медыя, каб адказаць на важныя для беларусаў у краіне і за мяжой пытанні. Ніжэй вы знойдзеце інтэрв’ю, якія выйшлі за перыяд 24 красавіка – 1 траўня 2024 года. Асноўнымі тэмамі ў іх сталі выбары ў Каардынацыйную раду, «народны сход» рэжыму ў Мінску і апошнія міжнародныя сустрэчы каманды Офіса Святланы Ціханоўскай.
Франак Вячорка: апошнія навіны
Дарадца Ціханоўскай расказаў у эфіры «Еўрарадыё» пра вынікі ўдзелу ў саміце G7, ціск на рэжым, увагу Захаду да Беларусі, працу Офіса і іншае.
Аліна Коўшык і Аляксандр Дабравольскі: Каардынацыйная рада
Прадстаўніца Кабінета па нацыянальным адраджэнні і палітычны дарадца Ціханоўскай абмеркавалі на «Еўрарадыё» патэнцыял КР і яе сувязі з іншымі структурамі дэмсілаў.
Павел Латушка: навошта рэжыму УНС
Кіраўнік НАУ і прадстаўнік Кабінета распавёў «Свабодзе Premium», як рэжым можа выкарыстаць так званы «народны сход» у будучыні.
Дзяніс Кучынскі: сустрэчы Ціханоўскай
Дыпламатычны дарадца падзяліўся з «Еўрарадыё» інсайдамі пра арганізацыю міжнародных сустрэчаў, расказаў пра апошнія сустрэчы і магчымы ўплыў 2025 года на ўзровень кантактаў.
Юлія Міцкевіч: жанчыны ў палітыцы
Гендарная экспертка і лідарка фем-фракцыі КР патлумачыла на канале «Свабода Premium», якія фактары стрымліваюць жанчын ад удзелу ў палітыцы.
Андрэй Астаповіч: зліў КДБ
Прадстаўнік BELPOL распавёў на «Свабодзе Premium» пра зліў даносаў у КДБ і прычыны гэтай з’явы ў Беларусі.
Магчымасці для беларусаў і беларусак. Падборка за 27 красавіка – 3 траўня
Каманда Офіса Святланы Ціханоўскай па адукацыі працягвае дзяліцца міжнароднымі магчымасцямі, якія дапамогуць беларусам і беларускам палепшыць сваю адукацыю, развіць навыкі ці пабудаваць кар’еру.
Анлайн-праграмы, даступныя з любой краіны
🥇 Youth SuperPower: Перазагрузка
OEEC заклікае беларусаў і беларусак ва ўзросце ад 18 да 35 гадоў далучацца да новага курса. Там будуць варкшопы пра кар’ерны рост, псіхалагічную ўстойлівасць, навыкі для жыцця і лідарства. Весці заняткі будуць вядомыя і паспяховыя эксперты і эксперткі.
🗓️ Заяўку трэба запоўніць да 06/05. Курс пройдзе цягам траўня-чэрвеня.
🇪🇺 Курс «Інтэграцыйныя працэсы ды інстытуцыі Еўрапейскага саюза»
Вольны беларускі ўніверсітэт запускае курс, у рамках якога вывучаюцца палітычныя працэсы і асноўныя палітыкі ЕС, паказваюцца асноўныя мадэлі і характэрныя рысы яго эвалюцыі, а таксама аналізуюцца інтэграцыйныя працэсы ў Еўропе.
🗓️ Заяўкі прымаюцца да 13/05. Курс пройдзе цягам траўня-ліпеня.
🌍 Праграма па ахове акіянаў ад National Geographic
Падчас практычнага курсу на англійскай мове вы зможаце даведацца пра праекты па ахове акіянаў і кар’ерных магчымасцях у сферы экалогіі. Па заканчэнні праграмы можна атрымаць грант $500 на адукацыю. Да ўдзелу запрашаюцца людзі ва ўзросце 18-25 гадоў – іншых патрабаванняў няма.
🗓️ Заяўкі прымаюцца да 06/05.
Афлайн-магчымасці
🕊️ Вакансія ў АБСЕ
Офіс АБСЕ ў Вене шукае кандыдатаў (-к) з веданнем англійскай і рускай мовы. Для працы з арганізацыяй мерапрыемстваў і аналітыкай патрабуецца чалавек з двума гадамі досведу ў праектным менеджменце і веданнем экалагічнай тэматыкі.
🗓️ Заяўкі прымаюцца да 16/05.
🇨🇭 IUCN Leaders Forum
У Жэневе пройдзе форум па тэме ўстойлівага развіцця. Запрашаюць да ўдзелу моладзь да 35 гадоў з досведам лідарства ў сферы аховы прыроды і сумежных. Удзельнікам (-цам) пакрываюць выдаткі, звязаныя з удзелам у форуме.
🗓️ Заяўкі прымаюцца да 28/05. Форум пройдзе 8-10 кастрычніка.
Валанцёрскія магчымасці
Еўрапейскі корпус салідарнасці – гэта праграма, накіраваная на моладзь з еўрапейскіх краінаў (ад 18 да 30 гадоў). У яе рамках можна стаць валанцёрам (-кай) і дапамагаць арганізацыям у рэалізацыі важных сацыяльных і іншых праектаў. На ўсіх праграмах ESC даюць жыллё, грошы на харчаванне і кішэнныя выдаткі. Базавым патрабаваннем, як правіла, з’яўляецца веданне англійскай мовы.
🇷🇴 Youth4Ukraine: дапамога ўкраінскім уцекачам у Румыніі
У румынскім горадзе Тымішаара шукаюць маладых валанцёраў (-к), якія будуць дапамагаць дзецям і жанчынам з Украіны адаптавацца і атрымліваць новыя веды. Валанцёры будуць патрэбныя цягам ліпеня-жніўня.
🗓️ Заяўкі прымаюцца да 31/05.
🇲🇹 Ахова птушак на Мальце
Валанцёры (-кі) патрэбныя камандзе, якая ахоўвае птушак і месцы іх пражывання, а таксама адукоўвае людзей пра прыроду. Праект пачне працу 1 верасня і будзе працаваць год.
🗓️ Заяўкі прымаюцца да 17/06.
🇵🇹 Падрыхтоўка лесу ў Партугаліі
Праект у Партугаліі шукае валанцёраў (-к), якія будуць удзельнічаць у ачыстцы, афарбоўцы, назіранні і іншых актыўнасцях па падтрымцы стану лесу. Праект будзе працаваць у ліпені-жніўні.
🗓️ Дэдлайн не ўказаны.
Поспехаў!
