Святлана Ціханоўская распавяла пра сітуацыю з беларускімі палітвязнямі, і папрасіла знайсці магчымасці для арганізацыі дыялогу па іх вызваленні пры пасярэдніцтве Швейцарыі.
Абмеркавалі магчымасць стварэння групы сяброў Беларусі ў швейцарскім парламенце. Прэзідэнт сказаў, што яны ліквідавалі групу па сувязях з рэжымным парламентам і разгледзяць магчымасць стварэння групы сяброў свабоднай Беларусі.
Таксама беларуская лідарка папрасіла прэзідэнта разглядзець магчымасць выдзялення Швейцарыяй дапамогі рэпрэсаваным, а таксама далучэння да санкцыяў супраць сілавікоў і суддзяў, якія бралі ўдзел у рэпрэсіях і падтрымліваюць вайну.
