Канферэнцыя прымеркаваная да гадавіны поўнамаштабнага ўварвання Расіі ва Украіну. Удзел у ёй бяруць лідары і палітыкі шэрагу дзяржаваў, прадстаўнікі кіраўніцтва Украіны, дэпутаты, эксперты і вайскоўцы. Ад Беларусі ўдзельнічаюць галоўны дарадца Святланы Ціханоўскай Франак Вячорка і дарадца па парламенцкім супрацоўніцтве і Канстытуцыйнай рэформе Анатоль Лябедзька.
Раней прадстаўнікі Святланы Ціханоўскай сустрэліся з прадстаўнікамі Штаба Палка Каліноўскага, з якімі абмеркавалі супрацоўніцтва і падтрымку для беларускіх добраахвотнікаў. Акрамя таго, сустрэліся з дарадцам офіса прэзідэнта Украіны Міхаілам Падаляком, дэпутатамі Вярхоўнай рады, групай Сяброў дэмакратычнай Беларусі і кіраўніком камітэта па замежных справах украінскага Парламента.
Таксама разам з прадстаўніком Палка Каліноўскага адбылася сустрэча з кіраўнікамі і прадстаўнікамі камітэтаў замежных справаў парламентаў Літвы, Канады, Бельгіі, Чэшскай Рэспублікі, Фінляндыі, Эстоніі, Грэцыі, Іспаніі, Вялікабрытаніі, Нідэрландаў, Латвіі, Ірландыі, Ісландыі, якія наведваюць Кіеў з нагоды гадавіны поўнамаштабнага ўварвання.
