Сёння Святлана Ціханоўская і дарадца па прававых пытаннях Крысціна Рыхтэр узялі ўдзел у міжнароднай канферэнцыі «Адказнасць рэжыму Лукашэнкі за злачынствы супраць чалавечнасці і міграцыйны крызіс: перспектывы міжнароднага правасуддзя».
У гэтым відэа Крысціна Рыхтэр распавядае пра тое, як прайшла канферэнцыя, хто ў ёй удзельнічаў і якія пытанні абмяркоўвалі:
«Абмяркоўваліся пытанні за якія злачынствы і якім чынам магчыма прыцягнуць да адказнасці рэжым Лукашэнкі. Гэта крымінальныя кейсы па ўніверсальнай юрысдыкцыі, Міжнародны крымінальны суд, Міжнародны суд справядлівасці ААН, стварэнне спецыяльнага ці гібрыднага трыбунала.
Падчас канферэнцыі мы дамовіліся пра практычныя крокі, якія будуць выконвацца далей. Падчас свайго выступу я казала, што адкладзенае правасуддзе – гэта правасуддзе, якое не адбылося. Таму зараз нам трэба рабіць не толькі збор доказаў і падрыхтоўку кейсаў, але і даводзіць да завядзення справаў і міжнародных механізмаў».
