Святлана Ціханоўская сустрэлася з Полем Галем, дэпутатам ПАРЕ, прызначаным для падрыхтоўкі даклада па тэме «Вырашэнне канкрэтных праблемаў, з якімі сутыкаюцца беларусы ў выгнанні». Гэтая сустрэча – адзін з крокаў у сістэмнай працы па ўрэгуляванні праблемаў беларусаў, якія вымушаныя былі пакінуць Радзіму.
На сустрэчы абмяркоўвалі пытанні, якія датычацца легалізацыі беларусаў за мяжой і магчымасці краінаў-удзельніцаў Рады Еўропы ў вырашэнні праблемаў, якія ўзнікаюць у гэтай галіне. Святлана Ціханоўская падзякавала дэпутату за працу і жаданне дапамагчы беларусам.
