У панядзелак, 18 верасня, Святлана Ціханоўская возьме ўдзел у мерапрыемствах падчас Генасамблеі ААН у Нью-Ёрку. Там сабяруцца лідары амаль усіх краінаў свету. Запланаваныя сустрэчы з шэрагам міністраў замежных справаў і палітычных лідараў. Сярод іншага, у Святланы Ціханоўскай запланаваная сустрэча з прэзідэнтам Гватэмалы. Гэтая краіна з’яўляецца пакупніком беларускіх калійных угнаенняў.
Беларуская лідарка возьме ўдзел у дыскусіі, арганізаванай дэлегацыяй ЕС пры ААН на тэму беларускай незалежнасці і суверэнітэту. Святлана Ціханоўская таксама паўдзельнічае ў цырымоніі ўручэння прэміі Атлантычнай Рады «Global Citizen Awards», якую сёлета атрымае прэзідэнт Зяленскі.
