У гэтым відэа «Радыё Свабоды» Святлана Ціханоўская, Вераніка Цапкала і сястра Марыі Калеснікавай Таццяна Хоміч разважаюць аб досведзе лета 2020 і цяперашней сітуацыі. Вось аб чым яны гавораць:
– Ці магчымы новы выхад жаночага трыё на сцэну перад тысячамі людзей?
– Як размяркоўваліся ролі ў тройцы?
– Якую цану плаціць Лукашэнка за недаацэнку жанчын і за рэпрэсіі супраць іх?
– На якім этапе змагання цяпер беларусы?
– Ці трэба дзяўбці?
– Ці стане Беларусь краінай для жыцця?
Ціханоўская: «Хочацца сказаць, што мы на фінішнай прамой, але абставіны не даюць нам гэта сказаць. Насамрэч сітуацыя можа змяніцца ў любы момант, і рэжым можа пасыпацца ў любы момант. Памылкі, якія робіць рэжым (захоп самалёта, міграцыйны крызіс), даюць магчымасць дэмакратычным краінам дзейнічаць больш рашуча. Мы разумеем, што ўнутры Беларусі вельмі мала цяпер можна зрабіць праз гвалт і жахлівыя рэпрэсіі, але людзі робяць. Развешванне сцягаў і налепак, распаўсюд газетаў, «Рабочы рух», план «Перамога» – гэта ўсё мабілізацыя грамадства.
Наша задача – думаць не толькі пра тое, што цяпер адбываецца. Будучыня Беларусі не менш важная, нам прыйдзецца аднаўляць усё, што было разбурана за 27 гадоў. Я ведаю, як беларусы падтрымліваюць адзін аднаго. Я ведаю, што нас большасць, і я ведаю, якая ў рэжыму атмасфера недаверу. А ў беларусаў ёсць давер адзін да аднаго. І людзі, хай малымі крокамі, але ідуць наперад».
Паглядзець усё відэа вы можаце па спасылцы: https://youtu.be/eLsrZuPwGHc.
