«З’явілася афіцыйнае паведамленне ад палка Каліноўскага, што загінуў Іван Марчук – камандзір батальёна «Волат», якога ўсе ведалі пад пазыўным «Брэст». Спачуванні сям’і і пабрацімам героя. Нельга пераацаніць мужнасць, з якой беларусы змагаюцца за свабоду Украіны і Беларусі, ахвяруючы здароўем і жыццём. Яны абараняюць гонар беларускага народа.
Таксама паведамлена, што каліноўцы Ян Дзюрбейка і Сяргей Дзягцёў знаходзяцца ў палоне. Падкрэсліваем, што яны з'яўляюцца кантрактнымі вайскоўцамі, і адпаведна іх статус цяпер — ваеннапалонныя. Мы будзем дабівацца вызвалення герояў. Спадзяюся, што ўсе добраахвотнікі, якія зніклі, змогуць вярнуцца».
