Праект Kultmapka – гэта інтэрактыўная мапа, дзе з лёгкасцю можна адшукаць беларускія культурныя месцы і артэфакты ў любой кропцы свету. Яна створаная ў супрацы з прадстаўніцтвам па нацыянальным адраджэнні Аб'яднанага Пераходнага Кабінета. Дзякуючы гэтаму праекту, кожны з вас можа знайсці кавалачак сваёй радзімы і сваёй гісторыі нават за мяжой.
Зараз на мапе ёсць больш за 200 кропак. Калі вы ведаеце, што яшчэ можна дадаць у гэты спіс, дасылайце прапановы па спасылцы.
Каманда Офіса дзякуе беларусам, што ствараюць і развіваюць праекты па захаванні і ўзмацненні нашай ідэнтычнасці.
