Канферэнцыю арганізуюць Офіс Святланы Ціханоўскай, Еўрапейскі гуманітарны ўніверсітэт, праграма «Беларуская адукацыя на шляху пераменаў» і платформа «Банк Ідэй».
Падчас канферэнцыі абмяркуюць бягучы стан адукацыі ў Беларусі і каштоўнасці, на якіх павінна будавацца новая сістэма адукацыі. У ёй прымуць удзел прадстаўнікі розных экспертных супольнасцяў і адукацыйных інстытуцыяў, у т.л.:
– Таццяна Шчытцова, доктарка філасофскіх навук, прафесарка Еўрапейскага гуманітарнага ўніверсітэта, прадстаўніца Святланы Ціханоўскай па пытаннях адукацыі і навукі.
– Дзмітры Крук, эканаміст, эксперт BEROC, прадстаўнік платформы беларускай экспертнай супольнасці «Банк ідэй».
– Святлана Мацкевіч, кандыдатка педагагічных навук, незалежная экспертка па пытаннях адукацыі, прадстаўніца праграмы «Беларуская адукацыя на шляху пераменаў».
– Максім Баграцоў, прадпрымальнік, чалец Каардынацыйнай рады.
– Аляксандр Мілінкевіч, кандыдат фізіка-матэматычных навук, канцлер Свабоднага Беларускага ўніверсітэта, кандыдат у прэзідэнты Беларусі-2006.
Канферэнцыя пройдзе афлайн на базе ЕГУ (Savičiaus g. 17, аўд. 110) і анлайн. Стрым канферэнцыі можна будзе глядзець тут: 16 чэрвеня, 17 чэрвеня.
