Беларусь не з’яўляецца чальцом гэтай арганізацыі, але кіраўніцтва Рады Еўропы вырашыла зрабіць выключэнне і запрасіць Ціханоўскую як адмысловую госцю.
Многія называюць гэта галоўнай сустрэчай Рады Еўропы дзесяцігоддзя. Апошні саміт адбываўся ў 2005 годзе ў Варшаве. Плануецца ўдзел кіраўнікоў ці прадстаўнікоў 46 дзяржаваў, у тым ліку Эмануэля Макрона, Олафа Шольца, Рышы Сунака, Уладзіміра Зяленскага, кіраўнікоў Еўрасаюза Шарля Мішэля і Урсулы фон дэр Ляен. Святлана Ціханоўская будзе ўдзельнічаць у асноўных мерапрыемствах саміта. Саміт працягнецца два дні, падчас яго запланаваны шэраг сустрэчаў.
Ціханоўская будзе ўздымаць пытанні ўступу Беларусі ў Раду Еўропу, як толькі з'явіцца такая магчымасць, пашырэння працы Кантактнай групы паміж Радай Еўропы і дэмакратычнай Беларуссю, падтрымкі рэпрэсаваных і беларускіх уцекачоў, шляхоў стрымлівання Расіі ад паглынання Беларусі, і ролі Рады Еўропы ў гэтым.
