15 чэрвеня Святлана Ціханоўская выступіць з праграмнай прамовай на адкрыцці Пленарнага пасяджэння Генеральнай асамблеі Канферэнцыі еўрапейскіх Цэркваў, якая пройдзе з 15 па 20 чэрвеня ў Таліне. Генеральная асамблея збярэ больш за 300 прадстаўнікоў цэркваў з 113 цэркваў-членаў са ўсёй Еўропы. Святлана Ціханоўская сваёй праграмнай прамовай адкрые Пленарнае паседжанне ў дзень пачатку працы Канферэнцыі, стаўшы адным з асноўных дакладчыкаў.
Падчас візіту Святлана Ціханоўская плануе правесці шэраг сустрэч з кіраўніцтвам Эстоніі: спікерам Парламента, новым кіраўніком МЗС, першым паслом Эстоніі па правах чалавека і міграцыі, дэпутатам Парламента Урмасам Рэйнсалу, а таксама запланаваная сустрэча з беларусамі Таліна.
