Святлана Ціханоўская: «Голасам усіх беларусаў будзем мы. Мы – тыя, хто знаходзіцца за мяжой, тыя, хто ў бяспецы. І каму неабыякава, што будзе з Беларуссю і людзьмі там. Калі не будзем казаць мы, то нашай гісторыі не раскажа ніхто. Таму я прашу кожнага і кожную з вас далучыцца да Дня салідарнасці з палітвязнямі, які пройдзе заўтра, 21 траўня.
Беларусы і беларускі замежжа, выходзьце на акцыі ў сваіх гарадах. Бярыце плакаты, сцягі і знак гэтага дня – жоўтую бірку, якой адзначаюць палітвязней».
Дзе пройдуць акцыі – глядзіце на сайце «Вясны». Падрабязней пра дзень салідарнасці з палітвязнямі можна знайсці на сайце standwithbelarus.org/by.