Ціханоўская: «Сёння 20-ты дзень вайны. У гэты дзень у нашай краіне, якую Лукашэнка зрабіў саўдзельніцай ваеннай агрэсіі, прынялі новую «Канстытуцыю». Але праводзіць рэферэндум падчас вайны, прымаць папраўкі ў Канстытуцыю падчас вайны – гэта тое ж самае, што праводзіць інаўгурацыю ўпотай ад усяго народа.
Гавораць, вайна ўсё спіша. Але яна не спіша гэтаму рэжыму пазбаўленне Беларусі нейтральнага і бяз'ядзернага статусу ў ваенны час. Бо народ усё памятае. Нашая свабода даецца нам такой высокай цаной, што ні вайна, ні пандэмія, ніякае іншае глабальнае ўзрушэнне – не дапамогуць рэжыму схаваць свае злачынствы. Цяпер мы памятаем кожную здраду ў дачыненні да народа, і дакладна запомнім і гэтую. Дзень Канстытуцыі, які мы сустрэлі без канстытуцыйных правоў і без незалежнасці – затое з крызісам і вайной».
