Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- Беларусы пачалі перадаваць VAC-апараты для лячэння ранаў украінскіх вайскоўцаў у бальніцы Украіны. Гэтым займаюцца арганізацыя «Звяно», беларусы Італіі і фонд медыцынскай салідарнасці.
- Беларусы Торуня і Быдгашча зычаць поспехаў воінам палка імя К. Каліноўскага.
- Беларус з пачатку вайны корміць украінскіх вайскоўцаў і тэраабарону. Пра гэта і іншую дапамогу беларусаў украінцам ён распавёў «Еўрарадыё».
- Беларусы працягваюць дапамагаць украінскім уцекачам на мяжы.
- Цэнтр Беларускай Салідарнасці сумесна з Офісам Святланы Ціханоўскай і НАК працягваюць дзейнасць у рамках працоўнай групы пры МУС Польшчы. Яны атрымалі адказ на свой запыт: беларусы змогуць атрымліваць гуманітарныя візы і ВНЖ у Польшчы. Больш падрабязна тут.
#непадпарадкаванне
- Беларусы Чыжоўкі падтрымалі спявачку Марго Ляўчук і яе бацькоў, якіх затрымалі і аштрафавалі.
- У Мінску спушчаны на ваду карабельчык з нашым нацыянальным сцягам.
- Беларусы Гродна працягваюць пакідаць антываенныя надпісы салідарнасці з народам Украіны і беларускімі палітвязнямі.
- Жыхары Гродна выступаюць супраць вайны.
#сабатажпрацырэжыму
- Канал «Беларускі Гаюн», які адсочвае перамяшчэнне ваеннай тэхнікі па Беларусі, даў справаздачу за 26 траўня.
- Таксама «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 26 траўня: на дзяржТБ працягваюць выходзіць сюжэты, прысвечаныя вайне ва Украіне. Адной з тэмаў, якая актыўна прасоўваецца і абмяркоўваецца ТБ – гэта вядзенне краінамі Захаду «рукамі ўкраінскіх салдатаў» вайны супраць Расіі. Мэта – паслабіць і знішчыць Расію, якая «ўстала з каленяў».
- «Расійскія вайскоўцы не сышлі з Беларусі. Ваенныя РБ — масоўка»: жыхар аднаго з раёнаў Гомельскай вобласці распавёў Флагштоку, што прымежжа кантралююць расійскія вайскоўцы.
#інфармацыйныфронт
- Выйшла газета «7 чижей» ад мінчукоў Чыжоўкі: у ёй расказваецца пра новыя акцыі непадпарадкавання, навіны Антываеннага Руху, гісторыя палітвязня. Спампоўвайце і распаўсюджвайце самвыдат, каб ратаваць беларусаў ад тэлевізара.
#BelarusWithUkraine
