Дарадца Святланы Ціханоўскай па парламенцкаму супрацоўніцтву і канстытуцыйнай рэформе Анатоль Лябедзька паведаміў, што ў выніку сённяшніх сустрэчаў у польскім Сейме і Сенаце будуць створаныя групы «За дэмакратычную Беларусь». Чаму групы будзе дзве, чым яны будуць займацца і чаму гэта важна для беларусаў – Антоль Лябедзька распавёў у відэа.
«Дзве групы значыць больш палітычных актараў, якія будуць дапамагаць нам у рэалізацыі нашых мэтаў – гэта вяртанне Беларусі да дэмакратыі і ўступленне нашай краіны ў Еўрапейскі Саюз. Наяўнасць гэтых групаў вельмі важная для нас – бо з іх дапамогай Польшча зможа абараняць інтарэсы беларусаў падчас свайго старшынства ў ЕС», – адзначае Лябедзька.
