Беларуская праваабаронца і валанцёрка Анісія Казлюк, у якой учора не прынялі дакументы на легалізацыю, сёння змагла іх падаць без штрафу. Прадстаўнік Ціханоўскай па міжнародных пытаннях Валер Кавалеўскі суправаджаў яе.
Пазней будзе падрыхтаваная і апублікаваная інструкцыя пра тое, як дзейнічаць, калі тэрмін знаходжання ва Украіне пратэрмінаваны не па вашай віне.
Валер Кавалеўскі: «Мы наладзілі кантакты з кіраўніцтвам міграцыйнай службы Кіева і Кіеўскай вобласці. Дасягнутая дамоўленасць пра ўзаемадзеянне для вырашэння такіх праблемаў беларусаў ва Украіне ў будучыні. Хачу адзначыць добразычлівы характар камунікацыі і эфектыўнае вырашэнне сітуацыі з Анісіяй. Разлічваем на тое, што гэтая няпростая сітуацыя стане карысным прэцэдэнтам для іншых беларусаў ва Украіне».
