Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- Беларуска з Сіэтла апублікавала новы каталог беларускіх традыцыйных убораў.
- Беларусы Торуня і Быдгашча правялі акцыю салідарнасці з палітвязнем анархістам Мікалаем Дзядком.
- Прадстаўніца беларусаў Чэхіі і ўпаўнаважаная Офісам Ціханоўскай па камунікацыях з міністэрствам адукацыі Чэхіі Крысціна Шыянок распавяла пра студэнцкія візы ў Чэхіі і што рабіць беларускім студэнтам у гэтай краіне.
- Беларуска Карына Пацёмкіна з Салігорску атрымала ў Бучы падзяку за валанцёрскую дзейнасць.
- Юныя беларускі прадаюць у Вашынгтоне ліманад у падтрымку ўкраінцаў. За першы дзень яны сабралі 180 даляраў.
#сабатажпрацырэжыму
- Канал «Беларускі Гаюн», які адсочвае перамяшчэнне ваеннай тэхнікі па Беларусі, даў справаздачу за 30 чэрвеня.
- Таксама «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 30 чэрвеня: прапагандысты вырашылі паразважаць на тэму вяртання ўцекачоў дадому і стратаў сярод грамадзянскіх падчас баявых дзеянняў.
- BYPOL выпусціў новае расследаванне пра прапагандыстаў: у ім расказваецца пра тое, як яны распальваюць нянавісць, ачарняюць нацыянальную культуру, а таксама прыводзіцца праслухоўванне іх размоваў.
#інфармацыйныфронт
- Пра сваркі беларусаў і ўкраінцаў: добраахвотнік Сяргей Бяспалаў расказвае, чаму яны толькі на карысць прапагандзе і Крамлю, як насамрэч беларусы змагаюцца за свабоду Украіны, што ім за гэта пагражае ў Беларусі і чым у рэшце рэшт скончацца гэтыя сваркі.
- Выйшла новая газета «7 чижей»: у ёй расказваецца пра акцыі падтрымкі, навіны Антываеннага руху і інш.
- Таксама выйшаў новы самвыдат «Слова беларусаў»: у ім расказваецца пра экс-кіраўніка ГУБАЗіКа, які стрэліў у падлетка, адзін дзень са Святланай Ціханоўскай і якой яе ўбачылі журналісты, што адбываецца з беларускай культурай і інш.
#BelarusWithUkraine
