Тэлефанаванне з працоўнымі
Працоўныя распавялі, што па ўсёй краіне ідуць скарачэнні заробкаў, масавыя рэпрэсіі і звальненні супрацоўнікаў прадпрыемстваў – гэта значыць, рэжым сам падводзіць людзей да стачак. У сваю чаргу стачкамы, напрыклад, на «Гроднаазот», запускаюць працэдуру калектыўнай працоўнай спрэчкі, каб адстойваць калег і супрацьстаяць незаконным звальненням.
«Рабочы рух» сабраў спісы адміністрацый прадпрыемстваў, якія рэпрэсуюць супрацоўнікаў, – яны будуць перададзеныя да дадання ў санкцыйныя спісы. Таксама актывісты распавялі, што адміністрацыі імкнуцца падладжвацца і абыходзіць уведзеныя санкцыі. Але з новымі, сектаральнымі санкцыямі, іх магчымасці будуць вычарпаныя.
Тэлефанаванне з медыкамі
Ціханоўская распавяла вынікі апошніх візітаў:
– У Чэхіі дамовіліся пра пашырэнне праграмы рэабілітацыі рэпрэсаваных і параненых і абмеркавалі магчымасці прыезду сем'яў палітвязняў на рэабілітацыю.
– У Германіі на сустрэчы з дзяржміністрам Меркель распавялі пра запушчаны беларусамі праект тэлемедыцыны – платформу «еЗДОРОВЬЕ», дзе можна атрымаць кансультацыю лекара анлайн.
– У Германіі ёсць пакет падтрымкі для рэпрэсаваных і пацярпелых, якія знаходзяцца ў Беларусі (у тым ліку, медыкаў), і ён пачаў рэалізоўвацца.
Медыкі распавялі пра новую хвалю масавых звальненняў, чорныя спісы Міністэрства аховы здароўя і звальненні «за прагулы» – пасля ўступлення ў сілу новага закона Працоўнага кодэкса, адбыванне адміністрацыйнага арышту не з'яўляецца паважнай прычынай няяўкі на работу.
Наступствы рэпрэсій катастрафічныя для ўсёй краіны: лекараў не хапае ўсюды. Таму ўжо зараз трэба пачынаць рыхтаваць праект будучай рэформы, якая дапаможа выратаваць медыцыну Беларусі.
