Святлана Ціханоўская: «Прапаганда працягвае сцвярджаць, што Лукашэнка «захаваў мір у краіне». Тым часам у беларускім небе праляцеў чарговы беспілотнік.
Пакуль у беларускім небе лятаюць расійскія ваенныя беспілотнікі — яго нельга назваць мірным, бо кожны з іх можа ўпасці недаляцеўшы, як гэта ўжо здаралася. Відавочна, што рэжым ужо не першы раз ставіць пад пагрозу самае каштоўнае — жыцці людзей.
Пакуль Лукашэнка лётае да Пуціна, расійская агрэсія навісае над галовамі нашых дзяцей і бацькоў. Яны скралі нашае мірнае неба і выкарыстоўваюць яго ў вайне супраць Украіны.
Але гэта не выбар беларусаў. Мы супраць вайны. Усе рашэнні аб ваеннай інтэграцыі прымаюцца адным чалавекам. І без палітычных зменаў вярнуць сапраўды мірнае неба немагчыма».
Дрон, ілюстрацыйнае фота / Reuters
