Упраўленне Вярхоўнага камісара ААН па правах чалавека рыхтуе матэрыялы для новай справаздачы пра сітуацыю з правамі чалавека ў Беларусі. Яна будзе прадстаўленая на 80-й сесіі Генеральнай Асамблеі ААН у кастрычніку 2025 года. Гэтым разам асаблівая ўвага будзе нададзеная працоўным правам і сітуацыі ў сферы занятасці.
Чаму гэта важна?
Беларускі рэжым працягвае выкарыстоўваць эканамічныя механізмы як інструмент рэпрэсіяў. Сярод іх:
➖ Прымусовая праца зняволеных у турмах і калоніях;
➖ Дыскрымінацыя пры працаўладкаванні па палітычных матывах;
➖ Забарона на стварэнне незалежных прафсаюзаў і ўдзел у забастоўках;
➖ Прымусовае прыцягненне да суботнікаў, «базы дармаедаў» і грамадскіх работ.
Як можна дапамагчы?
Спецыяльны дакладчык заклікае праваабаронцаў, прафсаюзы, СМІ, а таксама тых, хто сутыкнуўся з парушэннямі або валодае адпаведнай інфармацыяй, падзяліцца звесткамі да 31 мая 2025 года. Для гэтага можна скарыстацца электроннай поштай hrc-sr-belarus@un.org.
❗️Калі ласка, памятайце пра сваю кібербяспеку! Калі ў вас ёсць, што распавесці – не выкарыстоўвайце сэрвісы на беларускіх і расійскіх даменах.
Леанід Марозаў, дарадца па прававых пытаннях Святланы Ціханоўскай:
«Рэжым у Беларусі выкарыстоўвае працу як інструмент рэпрэсіяў – ад прымусовай працы палітвязняў да эканамічнага ціску на грамадзянаў, чыя адзіная «віна» ў тым, што яны адстойвалі свае правы. Гэтая справаздача ААН – яшчэ адна магчымасць прыцягнуць увагу да злачынстваў рэжыму, прыцягнуць увагу да актуальных праблемаў і садзейнічаць іх вырашэнню».
Фота: Shutterstock
