Візіт Святланы Ціханоўскай у Нідэрланды

13 – 14 студзеня Святлана Ціханоўская наведала Гаагу і Амстэрдам.

Палітычныя сустрэчы:

• Прэм’ер-міністр Нідэрландаў Дзік Схоф.
• Міністр замежных справаў Каспар Велдкамп.
• Спікер парламента Нідэрландаў Марцін Босма.
• Камітэт па замежных справах парламента Нідэрландаў (слуханні).

Супрацоўніцтва з грамадзянскай супольнасцю і акадэмічнымі коламі

• Сустрэчы з нідэрландскімі НДА, уключаючы Хельсінкскі камітэт Нідэрландаў, Amnesty International, Article 19 і інш.;
• Дыскусіі ў Інстытуце міжнародных адносінаў Clingendael;
• Сустрэча з беларускай дыяспарай у Нідэрландах;
• Прамова і сесія пытанняў і адказаў ва Універсітэце Амстэрдама.

Асноўныя тэмы і вынікі абмеркаванняў

1. Непрызнанне «выбараў» Лукашэнкі

• Нідэрландскія чыноўнікі пацвердзілі, што не прызнаюць вынікі фальшывых выбараў Лукашэнкі.
• Працяг супрацоўніцтва з дэмакратычнымі сіламі Беларусі.

2. Узмацненне санкцыяў і закрыццё шчылінаў

• Абмеркаванае ўзмацненне санкцыяў супраць асобаў і арганізацыяў, звязаных з рэжымам, уключаючы санкцыі за парушэнні правоў чалавека
• Абмеркавалі закрыццё шчылінаў і ўзмацненне кантролю за выкананнем санкцыяў

3. Парламенцкая падтрымка Беларусі

• Планы стварыць парламенцкую групу ў падтрымку дэмакратычнай Беларусі ў парламенце Нідэрландаў.
• Некаторыя парламентарыі выказалі гатоўнасць далучыцца да кампаніі Libereco па патранажы палітвязняў.
• Пагадненне пра сумесныя дзеянні ў рамках Парламенцкай асамблеі Рады Еўропы (ПАРЕ), дзе беларуская дэлегацыя ўпершыню прыме ўдзел 27 студзеня 2025 года.
• Абмеркаванае супрацоўніцтва паміж беларускімі і нідэрландскімі палітычнымі партыямі для ўмацавання дэмакратычных сувязяў.

4. Падтрымка звароту ў Міжнародны крымінальны суд (МКС)

• Разгледжана магчымасць падтрымкі Нідэрландамі звароту Літвы ў МКС для прыцягнення Лукашэнкі да адказнасці за злачынствы супраць чалавечнасці.

5. Украіна і роля Беларусі ў рэгіянальнай бяспецы

• Абмеркаваная падтрымка Украіны і роля Беларусі ў магчымых мірных перамовах.
• Асобна адзначана важнасць падтрымкі беларускіх добраахвотнікаў, якія змагаюцца ва Украіне.

6. Рада па замежных справах (FAC)

• Падрыхтоўка да нефармальнай сустрэчы міністраў замежных справаў ЕС са Святланай Ціханоўскай 26 студзеня ў Бруселі, прысвечанай непрызнанню «выбараў» Лукашэнкі.

7. Форум публічнай дыскусіі на саміце НАТА

• Абмеркаваная магчымасць арганізацыі публічнай дыскусіі па Беларусі або пытаннях бяспекі на саміце НАТА ў Гаазе ў 2025 годзе.

8. Падтрымка асноўных фондаў і ініцыятыў

• Працяг падтрымкі дэмакратычных сілаў Беларусі праз Еўрапейскі фонд падтрымкі дэмакратыі (EED), праграму MATRA (грамадзянская супольнасць), Фонд правоў чалавека (журналісты і праваабаронцы), а таксама Міжнародную платформу падсправаздачнасці па Беларусі (IAPB).
• Падтрымка Народнай амбасады Беларусі ў Варшаве.

9. Інстытут Clingendael

• Інстытут падрыхтуе даклад аб магчымых сцэнарыях для Беларусі і дасць рэкамендацыі.
• Абмеркаваная арганізацыя трэнінгаў для беларускай грамадзянскай супольнасці

10. Супрацоўніцтва з НДА па кампаніях

• Абмеркаваныя сумесныя кампаніі з нідэрландскімі НДА:

11. Легалізацыя і падтрымка дыяспары

• Абмеркаваныя пытанні, з якімі сутыкаюцца беларусы ў Нідэрландах з-за ўказаў Лукашэнкі.
• Умацаваныя сувязі з беларускай дыяспарай.