Беларуская лідарка правяла сустрэчу з прэзідэнтам Еўрапейскага эканамічнага і сацыяльнага камітэта (EESC) Оліверам Ропке ў Парыжы падчас AI Action Summit, арганізаванага прэзідэнтам Францыі Эмануэлем Макронам.
Еўрапейскі эканамічны і сацыяльны камітэт – афіцыйны кансультатыўны орган Еўрапейскага Саюза, які прадстаўляе грамадзянскую супольнасць, уключаючы прафсаюзы, працадаўцаў і НДА. Ён служыць мостам паміж інстытутамі ЕС і грамадзянамі, даючы рэкамендацыі па заканадаўстве і палітыцы.
Асноўныя вынікі сустрэчы:
- Выступ на пленарнай сесіі EESC – Прэзідэнт EESC запрасіў Ціханоўскую выступіць перад Еўрапейскім эканамічным і сацыяльным камітэтам з прамовай пра выклікі, з якімі сутыкаюцца беларусы як унутры краіны, так і ў выгнанні.
- Падтрымка беларускіх ініцыятываў – Дамовіліся правесці серыю мерапрыемстваў пад патранажам EESC, прысвечаных падтрымцы незалежных медыя, прафсаюзаў, уразлівых групаў і развіццю сумленнага бізнесу ў выгнанні.
- Фармалізацыя супрацоўніцтва – Абмяркоўваецца падпісанне мемарандуму аб супрацоўніцтве паміж дэмакратычнымі сіламі Беларусі і EESC.
- Супрацоўніцтва з Місіяй дэмакратычнай Беларусі ў Бруселі – абмяркоўвалі падтрымку ініцыятываў, звязаных з беларускай супольнасцю ў ЕС.
- Праграма стажыровак для беларусаў у EESC – Дамовіліся пра стажыроўкі для прадстаўнікоў дэмакратычнай Беларусі ў рамках праграмы «Кадравага рэзерву» для падрыхтоўкі будучых лідараў новай Беларусі.
