28 траўня былі аб’яўленыя вынікі галасавання ў Каардынацыйную Раду. У склад удзельнікаў трэцяга склікання прайшлі восем спісаў кандыдатаў з заяўленых дванаццаці. Святлана Ціханоўская правяла відэа-званкі з новымі дэлегатамі Каардынацыйнай Рады, а таксама з сябрамі тых спісаў, якія не прайшлі ў КР.
Беларуская лідарка падзякавала за ўдзел у выбарах – і выказала падтрымку тым, хто папаў пад пераслед за актыўнасць падчас кампаніі. Асноўнымі тэмамі абмеркавання сталі роля КР, прыярытэтныя напрамкі працы, супрацоўніцтва з Аб’яднаным пераходным кабінетам і тое, якім чынам Каардынацыйная Рада можа ўзмацніць структуры дэмакратычных сілаў.
«Мы робім агульную справу, і ў нас адна агульная мэта – свабодная Беларусь, – пракаментавала анлайн-сустрэчы беларуская лідарка. – Для мяне важна было пачуць кожнага. Я разумею, што людзі, якія ідуць у КР, гатовыя працаваць. Я асабліва радая бачыць новых людзей, якія рызыкнулі многім і далучыліся да палітычнай працы».
