Святлана Ціханоўская працягвае працоўны візіт у Італію і цяпер знаходзіцца ў Рыме, дзе сёння ў будынку мясцовага парламента распачалася канферэнцыя Альянсу парламенцкіх групаў «За дэмакратычную Беларусь». Першая такая сустрэча адбылася ў Берліне ў 2023 годзе.
Беларуская лідарка адкрыла канферэнцыю прамовай, дзе агучыла шэраг прапановаў прадстаўнікам еўрапейскіх парламентаў. На думку лідаркі, гэтыя крокі дапамогуць узмацніць міжнародную падтрымку Беларусі.
- «Трымайце Беларусь на парадку дня.
Адрознівайце Беларусь ад Расіі, а беларускі народ – ад рэжыму. Мы павінны падкрэсліць важнасць еўрапейскай будучыні Беларусі, і што еўрапейскі праект не будзе поўным без Беларусі – як і без Украіны, Малдовы ці Грузіі. - Узаемадзейнічайце з дэмакратычнымі сіламі Беларусі.
Працуйце з Аб’яднаным пераходным кабінетам, Каардынацыйнай радай, палітычнымі партыямі і таварыствамі, падпісвайце пагадненні паміж вашымі парламентамі і дэмакратычнымі сіламі. Вы можаце арганізоўваць імпрэзы з беларускай грамадзянскай супольнасцю, дыяспарай, Народнымі амбасадамі, НДА ці праваабаронцамі. - Арганізуйце дыскусіі па Беларусі ў сваіх парламентах.
Падтрымайце нашыя высілкі па ўзмацненні мабільнасці беларусаў і дапамогі тым, хто знаходзіцца ў выгнанні – больш візаў, стыпендыяў і абменаў, каб утрымаць беларусаў у еўрапейскай арбіце. - Падтрымайце кампанію за вызваленне палітвязняў.
Вы можаце далучыцца да праграмы для палітвязняў праз праграму Libereco ці арганізаваць выставы, як мы ўжо рабілі ў шмат якіх парламентах. - Падпісанне мемарандуму.
Па выніках гэтага форуму мы прапануем падпісаць «Рымскі мемарандум», каб падкрэсліць нашае адзінства».
