Напрыканцы снежня быў запушчаны сайт «Прастора» — платформа, дзе кожны і кожная можа далучыцца да распрацоўкі заканадаўства Новай Беларусі.
Пляцоўка створаная для адкрытага дыялогу пра:
– новую Канстытуцыю;
– законы і рэформы.
Галоўная мэта — вярнуць грамадзянам права голасу і ўплыву на будучыню сваёй краіны.
Што можна рабіць на сайце? – чытаць аналітыку і навіны; – вывучаць праекты дакументаў; – каментаваць і прапаноўваць змены; – удзельнічаць у грамадскім абмеркаванні.
Дарадца Святланы Ціханоўскай па міжпарламенцкім супрацоўніцтве і Канстытуцыйнай рэформе Анатоль Лябедзька:
«Мы стварылі гэтую прастору, каб кожны меў магчымасць адкрыта ўдзельнічаць у фарміраванні будучыні краіны: без страху, з павагай і ў дыялогу. Мы верым у Беларусь, дзе закон служыць людзям, а ўлада дзейнічае празрыста і з адказнасцю. І мы ведаем: змены пачынаюцца не «зверху», а з нас з вамі».
❗️У акне для каментарыяў вы можаце ўвесці свой e-mail, каб атрымаць апавяшчэнне пра адказ або статус вашага паведамлення, але гэта не абавязкова. Увядзіце пошту толькі калі ўпэўненыя, што для вас гэта бяспечна.
