Сёння ў Літве і Польшчы на пастаяннай аснове пражывае вялікая колькасць беларусаў. Многія з іх ужо плацяць падаткі адпаведна заканадаўству гэтых краінаў. Згодна з юрыдычнымі нормамі, пры афармленні дэкларацыяў магчыма абіраць арганізацыі – у тым ліку беларускія – на падтрымку якіх пойдзе частка вашых грошай. У Польшчы на гэтыя мэты можна выдаткаваць 1,5% ад сумы падаткаў, у Літве – 1,2%.
Пры запаўненні дэкларацыі вы можаце пералічыць свае ўжо сплачаныя падаткі беларускім арганізацыям. Для гэтага дастаткова ўпісаць у адпаведную графу дадзеныя (код) той ініцыятывы, якую плануеце падтрымаць. З прыкладамі пакрокавай інструкцыі па запаўненню і польскіх, і літоўскіх дэкларацыяў можна азнаёміцца на сайце «Новай Беларусі»
Многія ініцыятывы ўжо падрыхтавалі гайды з неабходнай інфармацыяй. Гэта дапаможа вам правільна ўпісаць дадзеныя арганізацыі. Некалькі простых крокаў, і вы ўжо дапамаглі беларусам і беларускам!
Арганізацыі ў Польшчы:
- «Новая Беларусь», «Беларускі моладзевы хаб», «Вольны хор», «Купалаўцы», «Музей Вольнай Беларусі», «Нацыя лідараў», «Partyzanka», «Tutaka», «Цэнтр беларускай салідарнасці», Вроцлаўская суполка беларусаў, «Гданьская «Хатка», Кракаўская таварыства «Крок», выданне Hrodna.life, выданне Reform.by, выданне Zerkalo.io, партал Dev.by.
Арганізацыі ў Літве
- «Краіна для жыцця», «Вольныя», «Дапамога», «Новая Беларусь», BYSOL, «Будзьма беларусамі», «Наш дом», Клуб «Lićviny», выданне Hrodna.life.
Акрамя таго, вы напрамую можаце звязацца з тымі ініцыятывамі, якім жадаеце дапамагчы, і запытаць, ці магчыма перавесці частку падаткаў на іх карысць.
Падтрымлівайце беларускія ініцыятывы!
