Святлана Ціханоўская: «Два гады без Алеся Пушкіна. Два гады, як нашая краіна страціла беларуса, грамадзяніна, мастака, які бачыў Беларусь такой, якой яна павінна быць — свабоднай і годнай. Яго закатавалі ў засценках турмы — і гэта назаўсёды застанецца чорнай плямай на старонках нашай гісторыі.
Мы памятаем, Алесь. Твая справа жыве ў творах, малюнках і перформансах. А мы працягваем змагацца за вызваленне ўсіх палітвязняў, за вяртанне беларусаў дадому, за Беларусь без рэпрэсіяў і страху — за краіну, пра якую ты марыў, і за якую цябе забілі».
Фота: «Радыё Свабода»
