Святлана Ціханоўская: «Сёння рэжым аб’явіў аб стварэнні фонду для дадатковага фінансавання выдаткаў на падрыхтоўку і правядзенне «выбараў» у адзіны дзень галасавання. Беларусам прапанавалі са сваёй кішэні заплаціць за падман, які рэжымныя чыноўнікі называюць «выбарамі».
Заплаціць за ўлёткі і плакаты, у якіх нахабна хлусяць аб тым, што ў нас ёсць выбар. Заплаціць за «працу» камісіяў, якія фальсіфікуюць вынікі і пазбаўляюць нас права голасу. Заплаціць за выраб бланкаў і бюлетэняў, якія потым выкінуць у урну. Толькі не ў тую, якая выкарыстоўваецца для галасавання. Беларусы, ці гатовыя вы заплаціць за падман са сваёй кішэні? Я думаю, адказ відавочны.
Мы з вамі выдатна ведаем, што гэта БЕЗВЫБАРЫ. Гэта падман, у якім мы не павінны ўдзельнічаць. Таму мы прапанавалі 5 спосабаў, як кожны беларус і беларуска могуць выказаць сваю нязгоду з выбарчым фарсам. Калі ласка, рабіце толькі тое, што бяспечна для вас.
Дарагія мае, не згаджайцеся на падман і танныя сцэнарыі сістэмы – нашая будучыня залежыць толькі ад нашага выбару».
