Далучайцеся да Руху прама цяпер. Вось як гэта зрабіць.
Коратка — галоўнае за дзень працы Руху:
#падтрымкаўкраінцаўібеларусаў
- У Кракаве прайшоў мітынг у падтрымку Украіны.
- Гродзенскія акторы і акторкі паставілі і сыгралі «Спектакль, які не прайшоў» пра Марыупальскі тэатр.
- Павел Латушка правёў сустрэчу з дакладчыкам Еўрапарламента па Беларусі, дэпутатам ЕП Петрасам Аўстравічусам.
- FreeShop Fundacja «ŻYVI» адправілі гуманітарную дапамогу дабрачыннаму фонду «З Одесою в серці».
- У Еўрапарламенце ўпершыню з 2020 года адбылася канферэнцыя, прысвечаная Беларусі. У Бруселі на мерапрыемстве выступілі прэм'еры Польшчы і Літвы, еўрапейскія дэпутаты, прадстаўнікі Каардынацыйнай рады і Офіса Ціханоўскай, а таксама беларускія медыя, праваабаронцы і НКА.
- Беларусы Быдгашча правялі акцыю ў падтрымку палка Каліноўскага.
- Крама з нацыянальнай сімволікай і мерчам з народнымі матывамі Symbal.by вярнулася — цяпер іх тавары можна замовіць на маркетплэйсе Redbubble.
- Еўрапейскі саюз працягне ўводзіць санкцыі супраць рэжыму Аляксандра Лукашэнкі і падтрымліваць грамадзянскую супольнасць Беларусі, заявіў амбасадар ЕС Дзірк Шубель 21 чэрвеня на канферэнцыі Каліноўскага ў Еўрапейскім парламенце.
#непадпарадкаванне
- Беларусы Бараўлянаў выйшлі на пікет, каб нагадаць: Беларусь стане свабоднай краінай.
- Мінчане Чкалаўскага раёна падзякавалі Святлане Ціханоўскай: «Два гады таму мы зрабілі свой выбар. Тады ён здаваўся выпадковым, але зараз становіцца зразумела, што калі гэта і быў выпадак, то шчаслівы».
#сабатажпрацырэжыму
- Канал «Беларускі Гаюн», які адсочвае перамяшчэнне ваеннай тэхнікі па Беларусі, даў справаздачу за 20 чэрвеня.
- Таксама «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 20 чэрвеня: на дзяржТБ працягваюць выходзіць рэпартажы, падрыхтаваныя па выніках паездкі групы беларускіх прапагандыстаў на Данбас.
#інфармацыйныфронт
- Выйшаў новы выпуск улёткі «Протестная Беларусь», у якой распавядаецца пра праслухоўванне сілавікамі ўсіх замежных пасольстваў, зачыстку кніг, «патрыятычнае выхаванне» і інш.
- У новым нумары ўлёткі «Протестный Гомель» распавядаецца пра прымусовую падпіску гамяльчанаў на прапагандысцкія газеты, паказуху ў Рагачове і інш.
- Выйшаў новы самвыдат «Слова Беларусаў». У першым выпуску пішуць пра тое, як здзекуюцца беларускія сілавікі з уцекачоў у Брузгах, што не так з надыходзячай пенсійнай рэформай, колькі каштуюць прадукты ў мірным Мінску і ахопленым вайной Кіеве, як праходзіць суд па палітычнай справе прадпрымальніка з Ваўкавыска Мікалая Аўтуховіча.
- Праект «Рэпарцёры» расказвае, як Беларусь Лукашэнка кідае беларускіх дзяцей паміраць, а Польшча траціць мільёны даляраў на іх лячэнне.
- Выданне @kyky_org апублікавала відэа, дзе сузаснавальнік Tribuna Дзмітрый Навоша, культурны аналітык Максім Жбанкоў і менеджарка стратэгічнай камунікацыі Офіса Святланы Ціханоўскай Анастасія Касцюгова разважаюць пра тое, што заява «беларусы і расіяне ў адным чоўне» — прыцягнутая за вушы і не мае нічога агульнага з рэальным станам рэчаў.
- «За грукатам танкаў і гучнымі загалоўкамі — я заклікаю вас памятаць і пра Беларусь». Галоўнае з выступу Святланы Ціханоўскай на Форуме Каліноўскага.
#BelarusWithUkraine
