«Крыніца» — закрытая платформа ўзаемадапамогі для беларускіх НДА, ініцыятыў грамадзянскай супольнасці і дыяспаральных арганізацый.
На платформе арганізацыі могуць дзяліцца рэсурсамі або шукаць і знаходзіць тое, што ім патрэбна: памяшканні, тэхніку, мэблю, экспертызу і іншае. Рэсурсы можна пазычыць ці атрымаць на іншых умовах.
Навошта такая платформа?
Многія арганізацыі маюць рэсурсы, якія выкарыстоўваюцца не пастаянна. У той жа час іншыя арганізацыі шукаюць менавіта тое, што ўжо ёсць у беларускай супольнасці.
«Крыніца» дапамагае звязаць гэтыя патрэбы і рэсурсы паміж сабой. Мэта праекта — дапамагаць арганізацыям выкарыстоўваць ужо даступныя ў супольнасці рэсурсы, скарачаць дубляванне выдаткаў і развіваць узаемную падтрымку.
Як працуе «Крыніца»?
Арганізацыі могуць публікаваць на платформе даступныя рэсурсы і знаходзіць тое, што патрэбна ім самім.
Можна прапаноўваць і шукаць розныя віды рэсурсаў — памяшканні, тэхніку, мэблю, экспертызу і іншае. Умовы перадачы таксама могуць адрознівацца: рэсурс можна пазычыць, перадаць, атрымаць за данат ці дамовіцца пра іншы фармат.
Як далучыцца?
Далучыцца да «Крыніцы» могуць беларускія НДА, ініцыятывы грамадзянскай супольнасці і дыяспаральныя арганізацыі. Кожная арганізацыя праходзіць праверку перад тым, як атрымаць магчымасць публікаваць і карыстацца рэсурсамі.
Каб атрымаць доступ да платформы, трэба запоўніць форму. Пасля гэтага заяўку разгледзяць і звяжуцца з арганізацыяй для наступных крокаў верыфікацыі і далучэння.
