У ноч з 29 на 30 кастрычніка 1937 года ў Менску былі расстраляныя 108 беларускіх дзяржаўных, культурных дзеячаў і навукоўцаў. Сярод іх 22 літаратары: паэты, празаікі, перакладчыкі, крытыкі. Гэтая трагічная дата вядома як Ноч расстраляных паэтаў.
У гэтую гадавіну беларусы па ўсім свеце правядуць вечар памяці, зачытаюць вершы, заспяваюць песні і ўшануюць рэпрэсаваных. А 19 гадзіне Святлана Ціханоўская разам з дзеячамі беларускай культуры распачне на сваім YouTube-канале супольнае памятаванне ахвяр тэрору на Беларусі.
Поўны спіс акцый, іх карта – на сайце nochpaetau.com. Акцыі падрыхтаваны пры ўдзеле беларускай дыяспары, Офіса Святланы Ціханоўскай і Рады беларускай культуры. Далучайцеся!
Офіс Святланы Ціханоўскай просіць беларусаў насіць маскі, прышчапляцца даступнымі вакцынамі, захоўваць дыстанцыю і, па меры магчымасці, працаваць з дома. Беражыце сябе і сваіх блізкіх!
